Ingles, Hindi Filipino ---- Raw

May ibang artikulo na namang nagsasabi na mas pahalagahan daw ang Ingles kaysa sa sarili nating Wikang Pambansa. Ang Ingles ay mas nakatutulong daw sa globalisasiyon at mas nakikita raw ang pagiging competent ng Pilipinas kung Ingles ang ginagamit sa mga mahahalagang transaksyon ng bansa at sa pang-araw-araw na salamuha. Batay sa www.gmanetwork.com/news/opinion/content/366049/betraying-the-filipino-language/story/, hindi na raw nakikita ang Ingles bilang pagiging “kolonyal”. At ang tanging masasabi ko lamang dito ay kung paano nasabi ng manunulat ang iyon kung nagkakaroon ng kolonyal na mentalidad ang mga Pilipino. Halos na ngang tinatangkilik ng mga Pilipino ang mga banyagang produkto kaysa sa mga sarili nilang produktong lokal. Pagiging elitista na din raw ang pagsasalita ng wikang Ingles at iyon ay totoo at pinaniniwalaan ko dahil nagpapakita ng pagiging superior ang pagsasalita ng Ingles. Bakit hindi natin mula magawang makilala ang sariling wika bago makilala ang iba pang mga wika? Tayo naman ay Filipino, at hindi banyaga.